काठमाडौँ । प्रकाश तामाङ ‘काले’ प्रधानमन्त्री केपी शर्मा ओलीसँग भेट गर्न काठमाडौँ हिँडेका छन् ।
नागरिकता प्राप्त गरेको भोलिपल्टै प्रकाश प्रधानमन्त्री ओलीलाई भेट्न काठमाडौँ आउन लागेका हुन् । करिब १० वर्षको उमेरमा काठमाडौंको जोरपाटीबाट हराएका तामाङले आइतबार नागरिकता पाएका थिए ।
भोजपुरको षडानन्द नगरपालिका–१० का तामाङ गोरखाको चुमभ्यालीमा पुगेर कयौं वर्षदेखि त्यहीँ बसेका थिए । प्रकाशको बुवा–आमासँग नाता कायम र जन्मदर्ताको कागज बनाएर नागरिकता दिलाइएको छ ।
गत बुधबार प्रधानमन्त्री केपी शर्मा ओलीले तामाङलाई तत्काल नागरिकता दिने व्यवस्था मिलाउन गृह सचिवलाई निर्देशन दिनुभएको थियो ।
‘हेर्ने कथा’को ‘हराएका वर्षहरू’ नामक एपिसोड सार्वजनिक भएसँगै प्रकाश चर्चामा आएका थिए ।
तस्बिरः राजेन्द्र शेष्ठ
