वाशिङ्गटन डिसी । नेपालको सूदूर पश्चिम क्षेत्रमा मनाईने धार्मिक तथा साँस्कृतिक रुपमा मनाईने गौरा पर्व अमेरिमा बस्दै आएका नेपालीहरुले पनि आईतवार मनाएका छन् ।
सूदूर पश्चिम समाज अमेरिकाले आयोजना गरेका गौरा पर्वमा सहभागीहरुले देउडा गीत समेत गाएका थिए ।
मेरिल्याण्ड राज्यको स्थानीय पार्कमा आयोजित कार्यक्रममा सहभागीहरुले गौरा माताको प्रतिमा दर्शन तथा पूजा आजा गरि गौरा माताको स्वागत तथा विदाई गरेका थिए ।
कार्यक्रममा गौरा पर्वका अध्येता तथा लेखक तीर्थराज पाण्डेयले गौरा पर्वको विविध पक्षको ऐतिहासिक तथा साँस्कृतिक महत्वको बारेमा प्रकाश पार्नु भएको थियो ।
मेरिल्याण्ड राज्यका डेलिगेट डा हयारी भण्डारीले संस्कृति जगेर्नामा योगदान पुरयाएको भन्दै आयोजकको प्रशंसा गर्नु भएको थियो ।
समाजका अध्यक्ष विक्रम शाहीको अध्यक्षतामा भएको कार्यक्रममा एनआरएन मेरिल्याण्डका अध्यक्ष कूल गुरुङ्ग, संस्थाका संस्थापक अध्यक्ष दमन विक्रम शाह, वानाका अध्यक्ष सुवोधविलास पन्त,भीमविक्रम शाही लगायतले मन्तव्य राखेका थिए ।
