काठमाडौं । प्रमुख विपक्षी नेकपा एमालेले प्रधानमन्त्री शेर बहादुर देउवाले बोलाएको सर्वदलीय बैठकका बारे आफ्नो पार्टीलाई कुनै जानकारी नभएको बताएको छ ।
आज (शनिबार)का लागि बोलाइएको सर्वदलीय बैठकमा एमालेलाई कुनै जानकारी प्राप्त नभएको सो पार्टीका केन्द्रीय प्रचार विभाग उपप्रमुख विष्णु रिजालले जानकारी दिए ।
उनले भनेका छन्, 'प्रधानमन्त्री शेरबहादुर देउवाले आज बोलाएको भनिएको सर्वदलीय बैठकका बारेमा हाम्रो पार्टी नेकपा (एमाले) लाई कुनै जानकारी प्राप्त नभएको स्पष्ट पार्दछौं । स्थानीय तहको निर्वाचन आगामी जेठ महिनाभन्दा पर धकेल्ने कुनै पनि कार्यमा नेकपा (एमाले) को किमार्थ सहमति नहुने हाम्रो धारणा स्पष्ट नै छ ।'
यो पनिः प्रधानमन्त्री देउवाबाट सर्वदलीय बैठक आह्वान
