काठमाडौं । लक्ष्मी प्रिमियम मोटर्सले नेपालमै पहिलो पटक बीएमडब्ल्यूको डिलरशिप ल्याएको छ । लक्ष्मी ग्रुपअन्तर्गतको लक्ष्मी प्रिमियम मोटर्सले लग्जरी कार ब्रान्ड बीएमडब्ल्यूको अनावरण सोमबार बिहान ११ बजे भर्चुअल माध्यमबाट गर्ने भएको हो । लक्ष्मी ग्रूपले नयाँ ब्रान्च स्थापना गरेर तीनकुनेमा बीएमडब्ल्यूको थ्री–एस सुविधा (सेल्स, सर्भिसिङ, स्पेयर पार्टस्) तयार पारिसकेको छ ।
बीएमडब्ल्यूको स्थापना सन् १९१६ मा बायरसा फ्लुक्क्षवेर्क एजीले गरेका हुन् । बीएमडब्ल्यू कार व्यवसायी, सेलिब्रिटी र राजनेताहरुबीच लोकप्रिय छ । गुणस्तरीय, आरामदायी, विश्वसनीयता र सुरक्षाका लागि बीएमडब्ल्यू संसारभर चिनिन्छ ।
