काठमाडौँ । नेपाली सुनचाँदी बजारमा बुधबार सुनको मूल्यले पुन: नयाँ रेकर्ड बनाएको छ । गत भदौ २ गते मात्रै उच्च विन्दुमा पुगेको सुनको मूल्य आज ऐतिहासिक रेकर्ड बनाएको हो ।
आज सुन प्रतितोला एक लाख ५३ हजार रूपैयाँ पुगेको छ । यसअघिको रेकर्डमा सुन प्रतितोला एक लाख ५२ हजार छ सय रूपैयाँमा कारोबार भएको थियो ।
आज छापावाल सुन प्रतितोला एक लाख ५३ हजार रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । मंगलबार छापावाल सुन प्रतितोला एक लाख ५२ हजार दुई सय रूपैयाँमा कारोबार भएको थियो ।
बुधबार चाँदीको मूल्य पनि बढेको छ । आज चाँदी प्रतितोला एक हजार आठ सय ३५ रूपैयाँमा कारोबार भईरहेको महासंघले जनाएको छ ।
