काठमाडौं। माछापुच्छ्रे बैंकले डिजिटल भुक्तानी गर्ने सेवा शुरु गरेको छ। बैंकले नेपाल क्लियरिङ हाउससँग कर्पोरेट पे प्रणालीको सुरुवात गर्ने सम्झौता गरेको हो । सम्झौतापत्रमा बैंकका प्रमुख कार्यकारी अधिकृत सन्तोष कोइराला र एनसीएचएलका प्रमुख कार्यकारी निलेषमानसिंह प्रधानले हस्ताक्षर गर्नुभएको छ ।
सम्झौतापछि बैंकका व्यवसायिक ग्राहकहरुले (विभिन्न संघसंस्था, सरकारी कार्यालय) को मोबाइल बैंकिङ एप तथा इन्टरनेट बैंकिङमार्फत बैंकमा नगर्इ फण्ड ट्रान्सफर, तलब भुक्तानी, विभिन्न सेवा तथा राजस्वको भुक्तानी गर्न सक्ने बैंकले जनाएको छ ।
उक्त भुक्तानीका लागि अधिकतम सुरक्षाका उपायहरु अपनाइने बैंकले जनाएको छ । यो प्रणालीमार्फत कनेक्ट आइपीएस अथवा एनसीएचएल आइपीएसमा रियल टाइम वा नन् रियलटाइम भुक्तानी कारोबार गर्न सकिने बैंकले विज्ञप्तिमा उल्लेख गरेको छ।
