काठमाडौं । सहकारी छानबिन सम्बन्धी संसदीय विशेष समितिले पूर्व उपराष्ट्रपति नन्दबहादुर पुनका छोरा दिपेश पुनको बयान लिएको छ ।
बुटवलस्थित सुप्रिम वचत तथा ऋण सहकारी संस्थाका पूर्व सचिव समेत रहेका पुनलाई आज समितिको बैठकमा बोलाएर बयान लिइएको हो ।
यस अघि सुप्रिम सहकारी ठगी प्रकरणमा पुन पक्राउ परेका थिए । जिल्ला अदालत रुपन्देहीले पक्राउ परेका पुनलाई ४ लाख रुपैयाँ धरौटीमा छाड्ने आदेश दिएपछि उनी रिहा भएका थिए ।
