एजेन्सी । चर्चित टिभी अभिनेत्री हिना खान अहिले क्यान्सरसँग लड्दै छिन् । यसैबीच हिनाले सामाजिक सञ्जालमा एउटा भिडियो शेयर गरेकी छिन्, जसमा उनी आफ्नो टाउको खौरेको देखिएकी छिन् ।
सेयर गरिएको भिडियोमा हिनाले क्यान्सरका कारण धेरै कपाल झर्न थालेको बताइन् । कपाल झरेको देख्नु तनावपूर्ण र डिप्रेसन जस्तै थियो । यही कारणले उनले आफ्नो टाउको खौराउने निर्णय गरिन् ।
भिडियोमा, हिनाले सबै क्यान्सर पीडितहरूका लागि एक प्रेरणादायक सन्देश पनि साझा गरिन् र मानिसहरूलाई मानसिक रूपमा बलियो रहन अनुरोध गरिन् ।
हिनाले भनिन्– ‘म यसमा काम गर्न चाहन्छु । म सकारात्मक हुन चाहन्छु, म खुशी हुन चाहन्छु । म त्यो सबै गर्न चाहन्छु जसले मलाई यो सम्पूर्ण यात्रामा कुनै पनि मानसिक समस्या नआओस् ।’
हिना तेस्रो चरणको स्तन क्यान्सरबाट पीडित छिन् । उनको मुम्बईको कोकिलाबेन अस्पतालमा उपचार भइरहेको छ । यो कुरा अभिनेत्रीलाई थाहा भएदेखि नै उनले आफ्नो सामाजिक सञ्जाल अकाउन्टमा सकारात्मक पोष्ट शेयर गरिरहेकी छिन् ।
