काठमाडौं । मंगलबार कारोबारको पहिलो घण्टामा नेप्से परिसूचक ४ दशमलव ४४ अंकले बढेर २ हजार ०७१ दशमलव ६१ विन्दुमा पुगेको छ । २ हजार ०८५ दशमलव ५७ विन्दुबाट शुरु भएको बजार कारोबारको पहिलो घण्टामा शून्य दशमलव २१ प्रतिशतले बढेको हो ।
पहिलो घण्टाको अवधिमा १८९ ओटा कम्पनीको रू. १ अर्ब ९० करोड ४९ लाख बराबरको २६ लाख ८४१ हजार ४६३ कित्ता शेयरको खरीदविक्री भएको छ । उक्त कारोबार १४ हजार १८५ पटकको व्यापारमा भएको हो । यस अवधिसम्म नेपाल लाइफ इन्स्योरेन्सको सर्वाधिक कारोबार भएको छ । उक्त कम्पनीको रू. २४ करोड ५४ लाख बराबरको शेयर कारोबार भएको छ । सो अवधिसम्म कम्पनीको शेयरमूल्य रू. २ हजार २६० मा कारोबार भइरहेको छ ।
पहिलो घण्टामा कारोबारमा आएका १२ ओटा समूहको परिसूचकमध्ये बैंकिङ, विकास बैंक, जलविद्युत, वित्त, उत्पादन तथा प्रशोधन र म्युचुअल फण्ड समूहको परिसूचक घटेको छ भने बाँकी, व्यापार, होटल्स, निर्जीवन बीमा, अन्य, लघुवित्त, जीवन बीमा समूहको परिसूचक बढेको छ । कारोबारको पहिलो घण्टामा महुली लघुवित्त, ग्लोबल आइएमई लघुवित्त, नारायणी डेभलपमेण्ट बैंक र विजय लघुवित्तको शेयरमूल्य ९ प्रतिशतभन्दा बढीले वृद्धि भएको छ ।
