एजेन्सी । बलिउड अभिनेता सञ्जय दत्तले आज आफ्नो ६५ औं जन्मदिन मनाइरहेका छन् । आफ्नो ४३ वर्ष लामो फिल्म करियरमा करिब १८० फिल्ममा काम गरेका सञ्जय बलिउडका चर्चित स्टार सुनिल दत्त र नरगिसका छोरा हुन् ।
फिल्मी करियर जस्तै सञ्जयको व्यक्तिगत जीवन पनि धेरै उतारचढावबाट गुज्रियो । सानै उमेरमा लागुऔषधको लतमा लागे । डेब्यू फिल्म आउनुअघि नै आमाको निधन भयो ।
त्यसपछि जब उनको नाम मुम्बई बम ब्लास्ट मामिलामा आयो तब उनले ५ वर्ष जेलमा बिताए । स्टेज ४ फोक्सोको क्यान्सर ६१ वर्षको उमेरमा पत्ता लागेको थियो । यी सबै कठिनाइसँग लड्दै सञ्जय अझै पनि मुस्कुराएर जीवन बिताइरहेका छन् ।
