काठमाडौं । बुधबार पहिलो घण्टामा नेप्से परिसूचक ८.६१ अंकले घटेको छ । २ हजार ०९७ दशमलव २० विन्दुबाट शुरु भएको बजार कारोबारको पहिलो घण्टामा शून्य दशमलव ४२ प्रतिशतले घटेर २ हजार ०५२ दशमलव ८० विन्दुमा पुगेको छ ।
यस अवधिसम्म नेपाल लाइफ इन्स्योरेन्सको सर्वाधिक कारोबार भएको छ । उक्त कम्पनीको रू. ११ करोड १८ लाख बराबरको शेयर कारोबार भएको छ । सो अवधिसम्म कम्पनीको शेयरमूल्य रू. २ हजार २३८ मा कारोबार भइरहेको छ । यस अवधिमा व्यापार र लघुवित्त समूहको परिसूचक बढेको छ भने बाँकी बैंकिङ, होटल्स, विकास बैंक, जलविद्युत, वित्त, निर्जीवन बीमा, उत्पादन तथा प्रशोधन, अन्य, जीवन बीमा र म्युचुअल फण्ड समूहको परिसूचक घटेको छ ।
कारोबारको पहिलो घण्टामा महुली लघुवित्त वित्तीय संस्था र छ्याङ्दी हाइड्रोपावरको शेयरमूल्य १० प्रतिशतले बढेको छ । त्यस्तै, आरएमडीसी लघुवित्तको शेयरमूल्य ९ दशमलव ९५ र माउन्टेन इन्र्जीको ९ दशमलव ८८ प्रतिशतले बढेको छ । पहिलो घण्टाको अवधिमा १८६ ओटा कम्पनीको रू.१ अर्ब ११ करोड २८ लाख बराबरको १८ लाख २ हजार ५ कित्ता शेयरको खरीदविक्री भएको छ । उक्त कारोबार १३ हजार २६८ पटकको व्यापारमा भएको हो ।
