काठमाडौं । सौर्य एयरलाइन्सको विमान दुर्घटनाबारे प्रधानमन्त्री केपी शर्मा ओलीले ब्रिफिङ लिएका छन् ।
त्रिभुवन अन्तर्राष्ट्रिय विमानस्थल स्थित नागरिक उड्ययन प्राधिकरणको उद्दार समन्वय केन्द्रमा पुगेर प्रधानमन्त्री ओलीले ब्रिफिङ लिएका हुन् । त्यसअघि उद्धार र दुर्घटनाको अवस्था बुझ्न घटनास्थल पुगेका थिए ।
घटना लगत्तै गृहमन्त्री रमेश लेखक, संस्कृति, पर्यटन तथा नागरिक उड्डयनमन्त्री बद्रप्रसाद पाण्डेसहित उच्च अधिकारीहरु पनि दुर्घटनास्थल पुगेका थिए । निरीक्षणपछि गृहमन्त्री लेखकले दुर्घटनाबारे विस्तृत छानबिन गर्ने बताए ।
बुधबार काठमाडौंबाट पोखरा जाँदै गरेको ९ एन–एएमई सीआरजे ७ विमान त्रिभुवन अन्तर्राष्ट्रिय विमानस्थल क्षेत्रमा दुर्घटना भएको थियो । सो दुर्घटनामा परी १८ जनाको मृत्यु भएको नेपाल नागरिक उड्डयन प्राधिकरणले पुष्टि गरेको छ । दुर्घटनाबाट बाच्न सफल भएका पाइलट मनिषरत्न शाक्यको काठमाडौँ मेडिकल कलेजमा उपचार भईरहेको छ ।
