काठमाडौं । जहाज दुर्घटना भएपछि त्रिभुन विमानस्थलको उडान र अवतरण बन्द गरिएको छ ।
बुधवार प्राविधिक मर्मतसम्भारका लागि काठमाडौंबाट पोखराका लागि उडेको सौर्य एयरलाइन्सको जहाज दुर्घटना भएपछि उडान र अवतरण बन्द भएको हो ।
उद्धार कार्य चलिरहेकाले अहिले विमानस्थलको उडान र अवतरण बन्द भएको विमानस्थल स्रोतले बतायो । अहिले अन्तराष्ट्रिय विमान आकाशमा नै होल्ड गरिएको छ ।
थाइ एयरवेजको काठमाडौं आउदै गरेको जहाज भारतीय आकाशमा होल्ड गराईएको छ भने बंगलादेशको ढाकाबाट काठमाडौँ आउँदै गरेको विमान सिमराको आकाशमा होल्ड गराईएको छ ।
