काठमाडौं । लुम्बिनी प्रदेशको मुख्यमन्त्रीमा एमालेले चेतनारायण आचार्यलाई अघि सारेको छ ।
यसअघि एमाले संसदीय दलका नेता लीला गिरी मुख्यमन्त्री बन्ने भनिएपनि केन्द्रको निर्देशनमा आचार्यलाई मुख्यमन्त्रीमा अघि बढाइएको हो ।
दलको नेता लीला गिरी भए पनि पार्टीले आचार्यलाई मुख्यमन्त्रीमा अघि सारेपछि उनी नै मुख्यमन्त्री बन्ने एमाले प्रदेश संसदीय दलका प्रमुख सचेतक तुलसीप्रसाद चौधरीले जानकारी दिए ।
अर्घाखाँचीको निर्वाचन क्षेत्र नम्बर १ (१) बाट निर्वाचित आचार्य एमालेका केन्द्रीय सदस्य पनि हुन् ।
