काठमाडौँ । नेपाली क्रिकेट टिमका स्पिनर सन्दीप लामिछाने ग्लोबल टी–२० लिग खेल्न क्यानडा गएका छन् । सोमबार सामाजिक सञ्जालमा त्रिभुवन अन्तराष्ट्रिय विमानस्थालको फोटो हाल्दै सन्दीपले क्यानडाको लागि प्रस्थान गरिएको जानकारी दिएका हुन् ।
ग्लोबल टी–२० यही २५ जुलाईदेखि सुरु हुँदैछ । लिगमा नेपाली टीमबाट सन्दीपसहित दीपेन्द्र सिंह ऐरी र कप्तान रोहितकुमार पौडेल पनि अनुबन्धित छन् ।
सन्दीप र दीपेन्द्र भ्यानकुभर नाइट्सबाट खेल्दैछन् भने रोहित टोरन्टो नेशन्समा आबद्ध छन् । सन्दीपले चौथो, दीपेन्द्र दोस्रो तथा रोहित पहिलोपटक यो लिग खेल्नेछन् ।
भ्यानकुभर र टोरन्टोबीचको खेल आउँदो बिहीबार राति ८ बजेदेखि सुरु हुनेछ ।
