काठमाडौँ । विजय लघुवित्त वित्तीय संस्थाले शेयरधनीहरुलाई २० प्रतिशत लाभांश दिने घोषणा गरेको छ ।
हिजो साँझ बसेको सञ्चालक समितिको बैठकले आव २०७६/७७ को सञ्चित नाफाबाट हाल कायम चुक्ता पूँजीको १९ प्रतिशत बोनस शेयर र १ प्रतिशत नगद लाभांश (नगद र बोनसमा लाग्ने करसमेत) प्रस्ताव गर्ने निर्णय गरेको कम्पनी सचिव नारायण सापकोटाले बताउनु भयो ।
कम्पनीको हाल कायम चुक्ता पूँजी २२ करोड ४० लाख ३१ हजार ५ सय रुपियाँ छ । राष्ट्र बैंकबाट स्वीकृति र आगामी साधारण सभाले पारित गरे पछि लाभांश वितरण गरिने कम्पनी सचिव सापकोटाले जानकारी दिनुभयो ।
