![](https://newspolar.com/wp-content/uploads/2024/07/rakul.avif)
एजेन्सी । बलिउड अभिनेत्री रकुल प्रीत सिंहका भाइ अमन प्रीत सिंह लागूऔषध मुद्दामा पक्राउ परेका छन् । यस मुद्दामा अमनसहित ५ जना पक्राउ परेका छन् ।
जसमा नाइजेरियाका एक पुरुष र एक महिला रहेका छन् । तेलंगाना एन्टी नार्कोटिक्स विभागले हैदराबादमा बिक्रीको लागि ल्याएको १९९ ग्राम कोकिन बरामद गरेको छ ।
साइबराबाद पुलिसको राजेन्द्र नगर जोनका डीसीपी श्रीनिवासले भने कि पुलिसले फ्ल्याटमा छापा मारेर ५ जनालाई पक्राउ गरेको थियो । अभियुक्तको साथबाट २ थान राहदानी, १० थान मोवाइल र २ थान दुई पाङ्ग्रे सवारी साधन बरामद भएको छ । उनीहरु सबैको पिसाबको नमूना परीक्षण पोजेटिभ देखिएको छ । मेडिकल पछि पाँचै अभियुक्तलाई अदालतमा पेश गरिने छ ।
प्रहरीका अनुसार लागुऔषध र्याकेटको प्रमुख नाइजेरियाली नागरिक डिभाइन इबुका सुजी हुन् । उनी अझै फरार छन् । तर, उनको मुख्य सहयोगी तथा महिला लागूऔषध कारोबारी ओनुओहा ब्लेसिङ पक्राउ परेकी छन् ।
अमनप्रीतसँगै पक्राउ पर्ने चार अभियुक्त अनिकेत रेड्डी, प्रसाद, मधुसूदन र निखिल दमन रहेका छन् । उनीहरु सबै व्यवसायी हुन् । उनीहरुमाथि एनडीपीएस ऐन अन्तर्गत कारबाही भइरहेको छ । यस मामिलामा अमन प्रीत सिंह सहित कुल १३ जनाको नाम समावेश गरिएको छ ।
लागूऔषध मुद्दामा पक्राउ परेका अमनप्रीत सिंहको जन्म १ अप्रिल १९९३ मा भएको थियो । उनको परिवारमा आमा कुलविन्दर र बुबा राजेन्द्र सिंह हुन् । उनी साउथ सिनेमाका अभिनेता हुन् । उनी २०२२ मा आउने फिल्म रामराज्य र निन्ने पेल्लादुत्तामा देखिनेछन् ।