एजेन्सी । सन् २००० मा काल्पनिक विधाको हलिउड फिल्म ‘ग्लेडिएटर’ ठूलो पर्दामा रिलिज भएको थियो ।
निर्देशक रिडले स्कटको यो फिल्ममा तत्कालीन सुपरस्टार रसेल क्रोले आफ्नो दमदार अभिनयले सबैको मन जिते र ग्लेडिएटर आफ्नो अद्भुत कथाको आधारमा सफल साबित भयो ।
लामो समयदेखि यो चलचित्रको सिक्वेलको चर्चा चलिरहेको थियो र अहिले ‘ग्लेडिएटर २’ को पछिल्लो ट्रेलरले यो चर्चा झनै बढाएको छ ।
फिल्मको स्टार कास्ट पहिलो भागको तुलनामा पूर्ण रूपमा परिवर्तन भएको छ ।
एक ऐतिहासिक महाकाव्य नाटकमा आधारित चलचित्र ग्लेडिएटर २ को शानदार ट्रेलर सार्वजनिक भएको छ । यस ट्रेलरमा २४ वर्षपछि आएको ग्लेडिएटरको कथालाई नयाँ ढंगले अगाडि बढाइएको देख्न सकिन्छ, जसमा रोमन सेनाका शासक र एक कैदीबीचको रक्तपातपूर्ण द्वन्द्व देखाइएको छ ।
हलिउड अभिनेता पल मेस्कल ग्लेडिएटरको रूपमा आफ्नो क्षमता प्रमाणित गर्दै छन् । उनीहरु बाहेक ग्लेडिएटर २ मा सुपरस्टार पेड्रो पास्कल, डेनजेल वाशिङटन, कोनी निल्सन, डिमोन हाउन्साउ र जोसेफ क्विन जस्ता कलाकारहरु महत्वपूर्ण भूमिकामा देखिएका छन् । ग्लेडिएटरको यो सिक्वेल पनि रिडले स्कटले नै निर्देशन गरेका हुन् ।
यो ट्रेलर हेरेपछि, ग्लेडिएटर पार्ट २ को लागि फ्यानहरुको उत्साह धेरै बढेको छ र सबै यसको रिलिजको लागि उत्सुक छन् । यो चलचित्र २२ नोभेम्बर २०२४ मा विश्वभरका थिएटरहरूमा रिलिज हुनेछ ।
