काठमाडौं । अर्जेन्टिना कोपा अमेरिका २०२४ को फाइनलमा प्रवेश गरेको छ ।
भर्खरै सम्पन्न सेमिफाइनल खेलमा क्यानडालाई २-० गोलले हराउँदै साबिक विजेता अर्जेन्टिना उपाधि नजिक पुगेको हो ।
अर्जेन्टिनाको जितमा खेलको २२ औं मिनेटमा युलिएन अल्भारेजले र ५१ औं मिनेटमा कप्तान लियोनल मेसिले गोल गरे । जारी प्रतियोगितामा मेसिको यो पहिलो गोल हो ।
अर्जेन्टिनाले उपाधिका लागि फाइनलमा भोलि हुने उरुग्वे र कोलम्बियाबिचको विजेतासँग खेल्नेछ ।
फाइनल खेल सोमबार बिहान हुनेछ ।
