एजेन्सी । नाग अश्विनको निर्देशनमा बनेको प्रभासको साइन्स फिक्शन फिल्म ‘कल्की २८९८ एडी’ ले हालसम्म भारतमा ५१० करोडको व्यापार गरिसकेको छ ।
यो फिल्मले शाहरुख खानको फिल्म ‘जवान’ को रेकर्ड तोडेको छ । तर ‘बाहुबली २’ र ‘केजीएफ च्याप्टर २’ को तुलनामा यो फिल्म अझै पछाडि छ ।
शाहरुखको फिल्म ‘जवान’ले ११ औं दिन बक्स अफिसमा ५०१.०५ करोडको कलेक्सन गरेको थियो । ‘बाहुबली २’ ले सात दिनमा कुल ५३९ करोड र ‘केजीएफ च्याप्टर २’ ले सात दिनमा ५२३.७५ करोडको कुल कलेक्सन गरेको थियो ।
कल्कीले पहिलो साता ४१४ करोड कमाएको थियो । साकनिल्कको रिपोर्ट अनुसार, शनिबारको कमाई शुक्रवार को १६.६ करोडको तुलना मा दोब्बर भन्दा बढी थियो । दशौं दिन फिल्मको कलेक्सन ३४.१५ करोड थियो ।
यस्तै, दोस्रो आइतबार अर्थात् ११ औं दिन फिल्मले ४४.३५ करोड कमाएको छ । जसमा हिन्दी संस्करणको मात्र सङ्कलन २२.५ करोड रुपैयाँ छ । अहिलेसम्म यो फिल्मले भारतमा ५१० करोडको व्यापार गरिसकेको छ ।
नाग अश्विन निर्देशित फिल्ममा प्रभासका अलावा अमिताभ बच्चन, दीपिका पादुकोण, दिशा पटानी र कमल हसनको पनि महत्वपूर्ण भूमिका छ । यस फिल्ममा विजय देवरकोन्डा, मृणाल ठाकुर, एसएस राजामौली, राम गोपाल वर्मा, दुल्कर सलमानले क्यामियो गरेका छन् ।
