काठमाडौं । स्पेन युरो कप २०२४ को सेमिफाइनलमा प्रवेश गरेको छ ।
भर्खरै सम्पन्न खेलमा स्पेनले आयोजक जर्मनीलाई २-१ गोलले हराउँदै अन्तिम चारमा स्थान बनाएको हो ।
निर्धारित समयसम्म १-१ गोलको बराबरी भएपछि खेल अतिरिक्त समयमा गएको थियो ।
जसमा ११९ औं मिनेटमा स्पेनका मिकेल मेरिनोले गोल गर्दै स्पेनलाई रोमान्चक जित दिलाए ।
त्यसअघि ड्यानि अल्मोले खेलको ५१ औं मिनेटमा गोल गर्दै स्पेनलाई सरुवाती अग्रता दिलाएका थिए ।
यता, ८९ औं मिनेटमा फ्लोरिएन विर्ट्जले गोल गर्दै जर्मनीलाई १-१ गोलको बराबरीमा ल्याएका थिए ।
हारसँगै आयोजक जर्मनी प्रतियोगिताबाट बाहिरीएको छ ।
