काठमाडौँ ।कलेजो क्यान्सरले ग्रसित दुई फरक फरक बिरामीको कलेजो प्रत्यारोपण शल्यक्रिया मार्फत गत शुक्रबार र शनिबार लगातार दुई वटा कलेजो प्रत्यारोपण किष्ट शिक्षण अस्पतालमा सफलतापूर्वक शल्यक्रिया सम्पन्न गरेको छ ।
सबैभन्दा जटिल मानिने कलेजो प्रत्यारोपण अब किष्ट अस्पतालमा पनि नियमित रुपमा हुन थालेको छ । कलेजो क्यान्सर भई सिरोरिस भएका दुई बिरामीको प्रत्यारोपण पश्चात सुक्ष्म निगरानीमा राखी आई.सि.यूमा उपचार भइरहको छ ।
यो सँगै किष्टले ७ वटा कलेजो प्रत्यारोपण गरिसकेको छ । निजी अस्पताल मध्ये यो सबै भन्दा धेरै कलेजो प्रत्यारोपण गर्ने अस्पताल भएको छ ।
कुनै बिरामीलाई कलेजो तथा मृगौला प्रत्यारोपण गराउनु परेमा यस अस्पतालमा सम्पर्कमा आएको दिनवाट १० दिन भित्रै कानुनी र चिकित्सकीय प्रक्रिया पुरागरी प्रत्यारोपण सम्पन्न गर्न सकिने कुरा अस्पताल प्रशासनले जनाएको छ ।
निजी अस्पताल मध्ये कलेजो र मृगौला प्रत्यारोपणको इजाजतपत्र लिई नियमित रुपमा प्रत्यारोपण यस किष्ट शिक्षण अस्पतालले गर्दै आइरहेको छ ।
