एजेन्सी । टी–२० विश्वकपमा आज भारत र अष्ट्रेलिया भिड्दैछन् । अस्ट्रेलियाका लागि यो खेल गर या मर भन्दा कम छैन । तर, यसअघि अष्ट्रेलियाका फ्यानका लागि एउटा नराम्रो खबर आएको छ ।
वास्तवमा भारत र अष्ट्रेलियाबीचको खेल सेन्ट लुसियामा हुन लागेको र यहाँ हिजो (आइतबार) देखि पानी परिरहेको छ । खेल सुरु हुनुभन्दा ५ घण्टा अगाडि भारी वर्षाको भिडियो आएको छ ।
सेन्ट लुसियाबाट आइतवारदेखि नै वर्षाको भिडियो बाहिर आइरहेको छ र अहिले खेल सुरु हुनुभन्दा पाँच घण्टा अगाडि नै त्यहाँ भारी वर्षा भइरहेको छ, त्यसलाई हेर्दा भारत र अष्ट्रेलियाबीचको खेल टस बिना नै रद्द हुन सक्ने देखिन्छ । यो खेल रद्द भएमा अष्ट्रेलियाको सेमिफाइनलको आशालाई ठूलो धक्का लाग्नेछ ।
भारत र अस्ट्रेलियाबीचको खेल वर्षाका कारण रद्द भएमा भारत सेमिफाइनलमा पुग्नेछ । कङ्गारु टोलीले अफगानिस्तानविरुद्ध बंगलादेशको जितको लागि प्रार्थना गर्नुपर्नेछ । अफगानिस्तानले बंगलादेशलाई हराएमा अफगानिस्तान सेमिफाइनल पुग्ने छ ।
भारतले सुपर–८ मा आफ्नो सुरुवाती दुवै खेल जितेको छ । भारतले पहिलो खेलमा अफगानिस्तान र दोस्रो खेलमा बंगलादेशलाई हराएपछि सेमिफाइनल पुग्ने लगभग पक्का भएको छ । अब अस्ट्रेलियाविरुद्धको खेल रद्द भएमा दुवै टोलीले एक–एक अंक पाउनेछन् । यस्तो अवस्थामा भारतीय टोली पाँच अंकसहित सेमिफाइनलमा प्रवेश गर्नेछ ।
It’s raining in St. Lucia. 🌧️
– India Vs Australia will happen in 5 hours time. (Vimal Kumar).pic.twitter.com/4uQBdVDNMh
— Mufaddal Vohra (@mufaddal_vohra) June 24, 2024
