काठमाडौँ । नेपाली राष्ट्रिय क्रिकेट टोलीका पूर्व कप्तान पारस खड्काले लेग स्पिनर सन्दीप लामिछानेलाई बधाई दिएका छन् ।
टी२० विश्वकप अन्तर्गत आफ्नो अन्तिम खेलमा नेपालले आज बंगलादेशको सामना गरेको थियो । उक्त खेलमा सन्दीपले २ विकेट लिँदै टी २० अन्तराष्ट्रियमा १०० विकेट लिन सफल भएका छन् । यसै अवसरमा नेपाल क्रिकेट संघ (क्यान)का सचिव समेत रहेका पारस खड्काले फेसबुकमार्फत सन्दीपलाई बधाई दिएका हुन् ।
टी-२० आई क्रिकेटमा छोटो १०० विकेट पूरा गर्ने सन्दीप दोस्रो खेलाडी बने । उनले ५४ टी-२० आई खेलमा १०० विकेट पूरा गरेका हुन् । छिटो १०० विकेट पूरा गर्ने खेलाडीको सुचीको पहिलो स्थानमा अफगानिस्तानका रासिद खान रहेका छन् ।
नेपालले बंगलादेशसँग २१ रनले पराजित हुँदै टी-२० विश्वकपका २०२४ सकाएको छ । नेपाल समूह चरणबाट अगाडि बढ्न सकेन ।
