काठमाडौँ । आयोजक जर्मनीले युरो कप फुटबलमा विजयी सुरुवात गरेको छ ।
गएराति एरिना म्युनिखमा भएको उद्घाटन खेलमा जर्मनीले स्कटल्यान्डलाई ५–१ गोलले पराजित गरेको हो । जर्मनीका फ्लोरिएन रिट्ज, जमल मुसियाला, काई हार्भट्ज, निकलस फुलक्रग र एम्री चानले गोल गरे । स्कटल्यान्डले एक गोल उपहार पायो ।
खेलको ४४ औँ मिनेटमा स्कटल्यान्ड १० खेलाडीमा समेटिएको थियो । पेनाल्टी बक्समा गुन्डोवानलाई खराब ट्याकल गरेपछि रायन पोर्टेअसले रातो कार्ड पाएका थिए ।
जितसँगै जर्मनीले समूह ‘ए’ मा ३ अङ्क जोडेको छ ।
