एजेन्सी । अमेरिका र वेस्ट इन्डिजमा जारी टी–२० विश्वकपमा न्युजिल्यान्डको यात्रा समूह चरणबाटै सकिएको छ । ३७ वर्षको एकदिवसीय र टी–२० विश्वकपपछि किवी टोली समूह चरण वा पहिलो चरणबाटै बाहिरिएको हो ।
यसअघि सन् १९८७ मा भएको एकदिवसीय विश्वकपमा पनि टोली समूह चरणबाटै बाहिरिएको थियो । यससँगै सन् १९८३ को एकदिवसीय विश्वकपमा न्युजिल्याण्डको टोली समूह चरण वा पहिलो राउण्डमा पुग्न सकेन ।
हरेक पटक न्युजिल्यान्ड टी–२० विश्वकपमा भने दोस्रो चरणमा पुग्न सफल भएको छ ।
सन् २००९, २०१० र २०१२ को टी–२० विश्वकपमा किवी टोली सुपर–८ राउण्डबाट बाहिरिएको थियो भने २०१४ मा टोली स्वचालित सुपर–१० राउण्डमा पुगेको थियो र सुपर–१० मा हार बेहोरेर बाहिरिएको थियो ।
न्यूजिल्याण्ड २००७, २०१६ र २०२२ को टी–२० विश्वकपमा सेमिफाइनलमा पुग्न सफल भएको थियो । जबकि, २०२१ मा किवी टोली उपविजेता बन्यो ।
एकदिवसीय विश्वकपको कुरा गर्दा किवी टोली सन् १९७५, १९७९, १९९२, १९९९, २००७, २०११ र २०२३ मा सेमिफाइनलबाटै बाहिरिएको थियो । यस्तै, सन् २०१५ र २०१९ मा उपविजेता बनेको थियो । सन् १९९६ मा किवी टोली क्वार्टरफाइनलमा हार बेहोरेको थियो भने २००३ मा सुपर–६ मा हार बेहोरेर बाहिरिएको थियो ।
जारी टी–२० विश्वकपको कुरा गर्दा समूह सी बाट अफगानिस्तान र वेस्ट इन्डिज सुपर ८ मा प्रवेश गरेका छन् । अन्य टोली न्युजिल्यान्डसँगै पिएनजी र युगान्डा पनि समूह चरणबाट बाहिरिएका छन् ।
