काठमाडौँ । नेपाली सुनचाँदी बजारमा बुधबार सुनको मूल्यमा सामान्य वृद्धि भएको छ । आज सुन प्रतितोला ६०० रुपैयाँले बढेको नेपाल सुनचाँदी व्यवसायी महासंघले जनाएको छ ।
यससँगै, आज छापावाला सुन प्रतितोला १ लाख ४१ हजार ६०० रुपैयाँमा कारोबार भईरहेको छ । यसअघि तीन दिनसम्म सुनको मूल्य स्थिर रहेको थियो । मंगलबार छापावाला सुन प्रतितोला १ लाख ४१ हजार रुपैयाँमा कारोबार भएको थियो ।
यस्तै,बुधबार तेजाबी सुन प्रतितोला १ लाख ४० हजार ९०० रुपैयाँमा कारोबार भईरहेको छ ।
त्यसैगरी आज चाँदीको मूल्य पनि बढेको छ । आज चाँदी प्रतितोला ५ रुपैयाँले बढेर १ हजार ८२० रुपैयाँमा कारोबार भईरहेको महासंघले जनाएको छ ।
