काठमाडौं । प्रधानमन्त्री एवम् नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’, नेकपा एमालेका अध्यक्ष केपी शर्मा ओली र उपप्रधानमन्त्री गृहमन्त्री एवं रास्वपाका सभापति रवि लामिछाने छलफलमा जुटेका छन् ।
सिंहदरबारमा जारी भेटमा पछिल्लो राजनीतिक घटनाक्रम, बिहिबार संसदको असामान्य परिस्थिति, कांग्रेसद्वारा निरन्तर जारी सदन अवरोधबारे छलफल भइरहेको बताइएको छ ।
उता नेपाली कांग्रेसले पनि बानेश्वर संसद भवनको ल्होत्से हलमा सरकारविरुद्ध संसदका प्रतिपक्षी दलका नेतासँग छलफल गरिरहेको छ । बैठकमा पछिल्लो राजनीतिक घटनाक्रम, संसद्मा बिहीबार भएको घटना र सहकारी ठगीमा संसदीय छानबिनलगायतका विषयमा छलफल हुने बताइएको छ ।
आजै बिहान बसेको कांग्रेस संसदीय दलको बैठकले गृहमन्त्री रवि लामिछानेमाथि संसदीय छानबिन समितिको अडानबाट पछि नहट्ने निर्णय गरेको छ ।
