• १४ जेष्ठ २०८१, सोमबार
  •      Mon May 27 2024
  •   Unicode
Logo

गुजरात र हैदराबादको खेल वर्षाका कारण रोकिएपछि हैदराबाद आईपीएलको प्लेअफमा



काठमाडौँ । आईपीएल–२०२४ मा सनराइजर्स हैदरावाद र गुजरात टाइटन्सबीचको खेल वर्षाका कारण रद्द भएको छ । हैदराबादमा बिहीबार साँझदेखि रातिसम्म पानी परेको थियो ।

यस्तो अवस्थामा अम्पायरहरूले दुवै कप्तानसँग छलफल गरेर खेल रद्द गर्ने निर्णय गरेका हुन् । दुवै टोलीलाई एक–एक अंक दिइएको छ ।

योसँगै हैदराबाद टोली चालू सिजनको प्लेअफमा पुगेको छ । हैदराबाद प्लेअफ पुग्ने तेस्रो टोली बनेको छ । अब टोलीले १९ मेको अन्तिम खेलमा पञ्जाबलाई हराएर १७ अंक मात्र पुर्‍याउन सक्छ ।

अर्कोतर्फ, गुजरातको लगातार दोस्रो खेल वर्षाका कारण रद्द भएको छ । गुजरातले १४ खेलपछि १२ अंक मात्र जोड्न सकेको छ ।

पछिल्लो पटक टोली प्लेअफको दौडबाट बाहिरिएको थियो भने राजस्थानले प्लेअफको टिकट पाएको थियो ।