काठमाडौं । बाल गायक आयन पौडेलको स्वरमा “आँखा भरी तिम्रो सपना” बोलकोको गीत हालै सार्वजनिक भएको छ । उक्त गीत सुरशाला म्युजिक एकेडमीका सन्चालक बाल गायक आयनका गीत संगीत प्रशिक्षक, गायक तथा संगीतकार अमृत क्षेत्रीको शब्द, संगीतमा गीत तयार भएको हो।
उक्त गीत सुरशाला स्टुडियो यू ट्यूब च्यानल मार्फत सार्वजनिक भएको छ । उक्त गीत मार्फत सर्जकले बच्चाहरुले आफनो अभिभावक प्रति कसरी समर्पित हुनुपर्छ भन्ने भाव अभिव्यक्त गर्न खोजेको छन् । बिगतको गीतहरु जस्तै यो गीतलाई पनि दर्शक श्रोताहरुले मन पराई दिनुहुनेछ भन्ने आशा बाल गायक आयनले गरेकोछन् । बाल गायक आयनको भनाइ अनुसार आफुलाइ आफनो पढाइको साथसाथै गीत संगीतमा निरन्तर लागीरहन परिवारबाट पूर्ण साथ सहयोग रहेको हुदा उक्त कार्यमा आफु सधै कटिबद्ध भइ लाग्ने प्रतिबद्धता व्यक्त गर्दछन ।
आयनको हालै सार्बजनिक यस गीतको अलवा एउटा राष्ट्रिय भावनाले ओतप्रोत भएको नेपाली गजल र अर्को राष्ट्र गीतको पनि अडियो रेकर्ड गराई सकेको छन् र भिडियो रेकर्डिङको तयारीमा छन् । बाल गायक आयन २०८० पौष महिनामा गोरखापत्र संस्थान द्वारा प्रकाशित मासिक बाल पत्रीका मुना को ३४ औं वर्ष प्रबेश अंकमा ३४ बाल प्रतिभा छनौटमा परेको थिए उक्त समाचार मुना मासिकले कभरमा फोटो र समाचार समेत प्रकाशित गरेको थियो ।
बाल गायक आयनको बारेमा बिगत बर्षहरु देखी निरन्तर गीत संगीत प्रशिक्षण दिदै आउनुभएका अमृत क्षेत्रीको भनाइ मुताबिक आयन गीत संगीतमा विशेष अभिरूची राख्ने मेहेनती लगनशिल शिष्यको रूपमा लिन्छन । यसरी नै निरन्तर गीत संगीतमा लागी रहेको खण्डमा नेपाली गीत संगीत क्षेत्रको एक आशा लाग्दो पात्र बन्न सफल हुनेछन् ।
आयन आफनो पढाइको शिलशिलामा स्कूलबाट युरोपको विभिन्न मुलुकहरुको भ्रमण गरी सकेकाछन् । उनी ललितपूर जावलाखेल स्थीत सेन्ट जेभियर स्कुल कक्षा १० मा अध्ययनरत छन् ।
