काठमाडौँ । क्रिकेटर सन्दीप लामिछानेको मुद्दामा उच्च अदालत पाटनमा बहस जारी छ ।
अदालती समयपछि पनि न्यायाधीशले बहसलाई निरन्तरता दिएका छन् । बहस टुंग्याएर सकेसम्म आजै फैसला गर्ने तयारी रहेको छ ।
सन्दीपको मुद्दाको आज पहिलो नम्बरमै पालो थियो र बिहानैबाट बहस सुरु भएको थियो । अहिलेसम्म सन्दीपको पक्षबाट ५ वकिलहरूले बहस गरिसकेका छन् ।
यस्तै, गौशाला २६ को तर्फबाट २ सरकारी वकिलले बहस सकेका छन् भने अहिले उनका निजी वकिलहरूले बहस गरिरहेका छन् ।
जिल्ला अदालत पाटनले सन्दीपलाई दोषी ठहर गर्दै ८ वर्षको जेल सजाय सुनाएको थियो । त्यसविरुद्ध सन्दीपले गरेको पुनरावेदनमा सुनुवाइ भइरहेको हो ।
आज बहस नसकिएमा मुद्दालाई हेर्दाहेर्दैमा राखिनेछ ।
