• १० जेष्ठ २०८१, बिहीबार
  •      Thu May 23 2024
  •   Unicode
Logo
Latest
★   बुद्ध धर्मको भ्रातृत्वको भावनालाई आत्मसात् गर्दै एकजुट हुन आवश्यक : उपराष्ट्रपति ★   शान्तिका अग्रदूत गौतमबुद्धको त्याग, विचार र अभ्यास अनुकरणीय : प्रधानमन्त्री ★   उभौली आपसी सद्भाव र एकता सुदृढ बनाउने माध्यम : राष्ट्रपति ★   भूमेस्थानमा पूजा, आराधना गरी मनाइँदै उँभौली पर्व ★   अहिंसा नै शान्ति र मैत्रीको आधारशिला ★   आईपीएलः बैंगलोरलाई हराउँदै राजस्थान क्वालिफायर २ मा, फाइनल पुग्न हैदरावादसँग भिड्ने ★   वीर अस्पतालको अनुगमनमा जे देखियो… ★   सद्भाव फैलाउन बुद्ध शिक्षामा विश्वास गरौँ : प्रधानमन्त्री ★   स्वयम्भूनाथ परिसरमा सागा दावाको उत्सव-फोटो फिचर ★   गृहमन्त्री लामिछानेमाथि छानबिन गर्न राप्रपाको माग

मुलुकलाई वाह्य हस्तक्षेपबाट मुक्त गराउन पनि एमाले बलियो शक्ति बन्न जरुरीः ईश्वर पोखरेल



काठमाडौँ । सत्तारुढ प्रमुख घटक नेकपा (एमाले) का वरिष्ठ उपाध्यक्ष ईश्वर पोखरेलले नेपाललाई वाह्य हस्तक्षेपबाट मुक्त गराउन पनि एमालेलाई बलियो राष्ट्रिय शक्ति बनाउन आवश्यक रहेको बताउनुभएको छ ।

नेपाल वाह्य हस्तक्षेपको शिकार भईरहेको उल्लेख गर्दै उहाँले वाह्य शक्तिको हेपाईबाट जोगिन पनि एमाले बलियो शक्तिको रुपमा उदाउन जरुरी रहेको बताउनु भयो । वरिष्ठ उपाध्यक्ष मुलुकलाई वाह्य हस्तक्षेप हुन नदिन पार्टीका अध्यक्ष केपी शर्मा ओलीले सरकारको नेतृत्व लिएको बेला काम गरेको समेत स्मरण गराउनु भयो । राष्ट्रिय युवा संघ नेपालले मंगलवार काठमाडौंमा आयोजना गरेको एक कार्यक्रममा बोल्दै उहाँले कहिल्यै पराधिन नभएको मुलुकको राष्ट्रिय स्वाधिनतालाई बचाई राख्न पनि एमाले बलियो शक्ति हुनुपर्ने भएकाले पार्टीको सो अभियान चलाएको पनि स्पष्ट पार्नु भयो । वरिष्ठ उपाध्यक्ष पोखरेलले पार्टीलाई बलियो राष्ट्रिय शक्तिमा बदल्ने गरी अघि बढन पनि पार्टीका नेता, कार्यकर्तालाई सचेत गराउनु भयो ।

उहाँले भन्नुभयो,‘एउटा निर्णायक राष्ट्रिय शक्ति बनाउनुपर्ने जरुरी छ । त्यसका लागि एमालेको संगठनहरु सुदृढ हुनुप¥यो । एमालेसँग सम्वद्ध जनसंगठनहरु सुदृढ हुनुप¥यो । र मात्रै त्यो आवश्यक्ता पूरा गर्न सकिन्छ । होइन भने यत्रा ठूलो शक्ति राष्ट्रहरुको बीचमा हामी छौं । हाम्रा पुर्खाहरुले हाम्रो देश बनाए, बचाए । कहिल्यै कसैको गुलाम भएन हाम्रो देश । कसैको पराधिन हुनु परेन । तर अहिले जस्तो हालत छ । त्यो हालतलाई नबदल्ने हो भने हामीलाई विदेशीले हेप्ने, छिमेकीले हेप्ने, सिध्याउन बेर छैन । त्यसकारणले त्यस्तो नहोस् भन्नका लागि हाम्रो संगठित शक्ति एउटा निर्णायक राष्ट्रिय शक्तिको रुपमा एमाले उभिनुपर्छ । अनि मात्रै यो अवस्थालाई बदल्न सकिन्छ । त्यसकारण अहिले युवा संघको भूमिका भनेको एउटा उत्पादनका कुरा, रोजगारीका कुरा, सीपका कुरा र आत्मनिर्भर बन्ने कुरा छ । यी चीजहरुमा ध्यान दिन जरुरी छ । अर्को भनेको निर्णायक राष्ट्रिय शक्ति बनाउने कुरामा एमालेले जुन अभियान थालेको छ । यसमा सहयोग पु¥याउनुपर्ने जरुरी छ । आज हाम्रो अगाडि यो अभिभारा छ । यो अभिभारा पुरा गर्नेपर्ने जरुरत छ ।’

वरिष्ठ उपाध्यक्ष पोखरेलले पार्टीका नेता, कार्यकर्ताहरुलाई भ्रष्ट्रखालका कुनैपनि गतिविधिमा संलग्न नहुने पनि निर्देशन दिनुभयो ।