काठमाडौँ । राष्ट्रिय स्वतन्त्र पार्टी (रास्वपा)ले उपप्रधान तथा गृहमन्त्री रवि लामिछानेलाई संसद्मा बोल्न दिनुपर्ने माग दोहोर्याएको छ ।
मंगलबार सिंहदरबारमा दलका प्रमुख सचेतकहरूसँग सभामुखले गरेको छलफलमा रास्वपाले गृहमन्त्री लामिछानेले संसद्मा बोल्न पाउनुपर्ने माग दोहोर्याएको हो ।
रास्वपाका प्रमुख सचेतक सन्तोष परियारले आजकै बैठकमा गृहमन्त्रीलाई बोल्न दिनुपर्ने बताए ।
‘गएको बैठकमा सभामुखले गृहमन्त्रीलाई बोल्न समय दिनुभएको थियो । बोल्न पाउनुभएको छैन । आजको बैठकमा त्यसको निरन्तरता स्वरूप बोल्न दिनुपर्छ । गृहमन्त्रीले बोल्न पाउनुपर्छ ।’ प्रमुख सचेतक परियारले भने ।
आज संसद्को संयुक्त बैठक बस्दैछ । बैठकमा राष्ट्रपति रामचन्द्र पौडेलले सरकारको नीति तथा कार्यक्रम प्रस्तुत गर्नुहुने कार्यक्रम छ ।
