काठमाडौं । कामना सेवा विकास बैंकको नाफा १७८.५७ प्रतिशतले बढेको छ ।
कामना सेवाको प्रति सेयर आम्दानी ३०.७१ रुपैयाँ रहेको छ । बैंकको स्प्रेड दर ४.९९ प्रतिशत छ भने आधार ब्याजदर ९.०६ प्रतिशत छ । खराब कर्जा १.५९ प्रतिशत रहँदा कस्ट अफ फण्ड ६.४८ प्रतिशत छ ।
बैंकको वितरण योग्य नाफा पनि २७ करोड रुपैयाँ पुगेको छ । २ अर्ब ५४ करोड रुपैयाँ चुक्ता पुँजी रहेको बैंकको जगेडा कोषमा ४९ करोड रुपैयाँ रहेको छ । बैंकले यो अवधीमा ३८ अर्ब निक्षेप संकलन गरेर ३१ अर्ब रुपैयाँ कर्जा लगानी गरेको छ । बैंकको खुद ब्याज आम्दानी ६८ करोड रुपैयाँ कायम छ ।
बैंकको चालु आर्थिक वर्ष २०७७/७८ को पुस मसान्त अवधीमा १७८.५७ प्रतिशतले नाफा बढाएर ३९ करोड रुपैयाँ पुर्याएको हो । आव २०७६/७७ को पुस मसान्त अवधीमा बैंकको त्यस्तो नाफा जम्मा १४ करोड रुपैयाँ मात्रै थियो । अर्थात बैंकले २५ करोड रुपैयाँले नाफा वृद्धि गर्न सफल भएको छ ।
