एजेन्सी । भारतीय टोली टी–२० विश्वकपका लागि दुई समूहमा बिदा हुनेछ । पहिलो समूहमा आईपीएल प्लेअफमा नपुगेका खेलाडीहरू समावेश हुनेछन् भने दोस्रो समूहले २६ मेमा आईपीएल फाइनलपछि तुरुन्तै छाड्नेछ ।
टी–२० विश्वकप २०२४ जुन २ बाट सुरु हुँदैछ । मुम्बई इन्डियन्स र पञ्जाब किंग्सका टोली प्लेअफको दौडबाट बाहिरिएका छन् र कप्तान रोहित शर्मा, उपकप्तान हार्दिक पाण्ड्या र जसप्रित बुमराह र सूर्यकुमार यादव र अर्शदीप सिंह मे २४ मा विश्वकपका लागि प्रस्थान गर्नेछन् ।
गुजरात टाइटन्सका कप्तान शुभमन गिल पनि रिजर्भ खेलाडीमा परेका छन् र उनी पनि पहिलो समूहमा पर्न सक्नेछन् । त्यस्तै आरसीबी पनि प्लेअफमा पुग्न सकेन भने विराट कोहली र मोहम्मद सिराज पनि २४ तारिखमा बाहिरिनेछन् ।
राजस्थान रोयल्स र केकेआर प्लेअफमा पुग्ने पक्का छन् । यस्तो अवस्थामा दोस्रो समूहमा सञ्जु सामसन, युजवेन्द्र चहल, आवेश खान, रिंकु सिंह २६ पछि छाड्नेछन् । विश्वकपमा भारतीय टोलीले आयरल्याण्डविरुद्ध खेल्दै आफ्नो अभियान सुरु गर्नेछ । यसपछि मे ९ मा न्युयोर्कमा भारतले कट्टर प्रतिद्वन्द्वी पाकिस्तानसँग खेल्नेछ ।
