काठमाडौँ । कोशी प्रदेशका निवर्तमान मुख्यमन्त्री केदार कार्कीले बिहीबार दायर गरेको रिटको पेशी आज तोकिएको छ ।
सरकार गठनविरुद्ध दायर रिटको पेशी सर्वोच्च अदालतका न्यायाधीश हरि फुयालको एकल इजलासमा तोकिएको हो ।
नेकपा (एमाले) कोशी प्रदेश संसदीय दलका नेता हिक्मत कार्की बिहीबार मुख्यमन्त्रीमा नियुक्त भएपछि त्यसविरुद्ध केदार कार्कीले रिट दायर गरेका हुन् ।
कार्कीले रिट निवेदनमा अन्तरिम आदेशमार्फत सरकार गठनका निम्ति दाबी पेस गर्न प्रदेश प्रमुखको आह्वानलाई बदर माग गर्नुका साथै आफूलाई मुख्यमन्त्रीमा निरन्तरता दिन माग गरेका छन् ।
प्रदेश प्रमुख परशुराम खापुङले भने बिहीबारै हिक्मत कार्कीलाई मुख्यमन्त्रीमा नियुक्त गरिसकेका छन् ।
