• १४ जेष्ठ २०८१, सोमबार
  •      Mon May 27 2024
  •   Unicode
Logo

वर्षाका कारण केकेआर टोलीको बिचल्ली, फ्लाइट गुवाहाटी मोडियो



एजेन्सी । लखनउ सुपर जाइन्ट्सविरुद्धको खेल जितेर फर्किएको कोलकाता नाइट राइडर्स (केकेआर)टोली वर्षाका कारण अलपत्र परेको छ ।

टोली लखनउबाट कोलकाता फर्कदै गर्दा भारतको पूर्वी भागमा भारी वर्षाका कारण केकेआरको विमान कोलकातामा अवतरण गर्न नसकेपछि विमानलाई गुवाहाटी पठाइएको थियो । जसका कारण केकेआर टोलीका सदस्यहरूले उडानमा धेरै समय व्यतित गर्नुपरेको थियो ।

केकेआरका अनुसार टोलीका सदस्यहरूले सोमबार साँझ ५ः४५ मा लखनउबाट उडान भरेका थिए जहाँ उडान साँझ ७ः२५ मा अवतरण गर्ने तालिका थियो ।

बेलुका ८ः४६ मा उनको चार्टर फ्लाइट कोलकातामा भारी वर्षाका कारण गुवाहाटीतर्फ डाइभर्ट गरिएको बताइएको थियो । केकेआरको मिडिया टोलीले भने, ‘हामी गुवाहाटीमा अवतरण गर्यौं र कोलकाता जानको लागि उडान क्लियर भइसकेको र टोली राति ११ बजे कोलकाता पुग्ने बताइएको थियो । तर राति अबेरसम्म अवस्था राम्रो नभएको र धेरै प्रयास गर्दा पनि उडान कोलकातामा अवतरण हुन सकेन । यसरी उडान वाराणसीमा अवतरण भयो ।’

केकेआर सदस्यहरूले वाराणसीको एक होटलमा रात बिताए । मिडिया रिपोर्टका अनुसार केकेआर टोली मंगलबार दिउँसो कोलकाता जानेछ । मौसमका कारण उडान डाइभर्सनका कारण खेलाडीहरूले समस्या भोग्नुपरेको र यो उनीहरूका लागि डरलाग्दो अनुभवभन्दा कम थिएन ।

कोलकाताले अन्तिम खेलमा लखनउलाई पराजित गर्दै शीर्ष स्थानमा उक्लिएको छ । केकेआर टोली लगभग प्लेअफमा पुगेको छ । अर्को खेल करिब पाँच दिनको अन्तरमा हुनु टोलीका लागि राहतको कुरा हो । उसले शनिबार घरेलु मैदानमा मुम्बई इन्डियन्ससँग खेल्ने छ । त्यसपछि टोलीले मे १३ मा गुजरात टाइटन्ससँग अहमदाबादमा र १९ मेमा गुवाहाटीमा राजस्थान रोयल्ससँग खेल्नेछ ।