१० असार २०८२, मंगलवार
,
Latest
जसपाले समर्थन फिर्ता लिँदैमा सरकारलाई असर पर्दैन : अध्यक्ष यादव तनहुँका स्थानीय तहद्वारा करिब रु आठ अर्बको बजेट प्रस्तुत ‘शिक्षाको अवस्था सुधार्न स्थानीयतहको पहलकदमी आवश्यक छ’ अध्यक्ष दाहाल र अध्यक्ष नेपालबीच भेटवार्ता ‘विद्यार्थीको सङ्ख्याका आधारमा आङ्गिक शिक्षालयले कार्यक्रम सञ्चालन गर्नुपर्ने’ आन्तरिक राजस्व कार्यालय भद्रपुरद्वारा दुई अर्ब ९१ करोड राजस्व सङ्कलन हेटौँडा उपमहानगरपालिकाको बजेट दुई अर्ब ९० करोड वीरेन्द्रनगरद्वारा चार अर्ब ३८ करोड बजेट विनियोजन ‘भाषा, संस्कृति र स्वतन्त्रताको संरक्षण गर्नु सबै नेपालीको दायित्व हो’ भिजिट भिसा छानबिनमा वैरागी नेतृत्व अस्वीकार्य : रास्वपा
तपाईं के खोज्दै हुनुहुन्छ ?

वर्षाका कारण केकेआर टोलीको बिचल्ली, फ्लाइट गुवाहाटी मोडियो



अ+ अ-

एजेन्सी । लखनउ सुपर जाइन्ट्सविरुद्धको खेल जितेर फर्किएको कोलकाता नाइट राइडर्स (केकेआर)टोली वर्षाका कारण अलपत्र परेको छ ।

टोली लखनउबाट कोलकाता फर्कदै गर्दा भारतको पूर्वी भागमा भारी वर्षाका कारण केकेआरको विमान कोलकातामा अवतरण गर्न नसकेपछि विमानलाई गुवाहाटी पठाइएको थियो । जसका कारण केकेआर टोलीका सदस्यहरूले उडानमा धेरै समय व्यतित गर्नुपरेको थियो ।

केकेआरका अनुसार टोलीका सदस्यहरूले सोमबार साँझ ५ः४५ मा लखनउबाट उडान भरेका थिए जहाँ उडान साँझ ७ः२५ मा अवतरण गर्ने तालिका थियो ।

बेलुका ८ः४६ मा उनको चार्टर फ्लाइट कोलकातामा भारी वर्षाका कारण गुवाहाटीतर्फ डाइभर्ट गरिएको बताइएको थियो । केकेआरको मिडिया टोलीले भने, ‘हामी गुवाहाटीमा अवतरण गर्यौं र कोलकाता जानको लागि उडान क्लियर भइसकेको र टोली राति ११ बजे कोलकाता पुग्ने बताइएको थियो । तर राति अबेरसम्म अवस्था राम्रो नभएको र धेरै प्रयास गर्दा पनि उडान कोलकातामा अवतरण हुन सकेन । यसरी उडान वाराणसीमा अवतरण भयो ।’

केकेआर सदस्यहरूले वाराणसीको एक होटलमा रात बिताए । मिडिया रिपोर्टका अनुसार केकेआर टोली मंगलबार दिउँसो कोलकाता जानेछ । मौसमका कारण उडान डाइभर्सनका कारण खेलाडीहरूले समस्या भोग्नुपरेको र यो उनीहरूका लागि डरलाग्दो अनुभवभन्दा कम थिएन ।

कोलकाताले अन्तिम खेलमा लखनउलाई पराजित गर्दै शीर्ष स्थानमा उक्लिएको छ । केकेआर टोली लगभग प्लेअफमा पुगेको छ । अर्को खेल करिब पाँच दिनको अन्तरमा हुनु टोलीका लागि राहतको कुरा हो । उसले शनिबार घरेलु मैदानमा मुम्बई इन्डियन्ससँग खेल्ने छ । त्यसपछि टोलीले मे १३ मा गुजरात टाइटन्ससँग अहमदाबादमा र १९ मेमा गुवाहाटीमा राजस्थान रोयल्ससँग खेल्नेछ ।