• ९ जेष्ठ २०८१, बुधबार
  •      Wed May 22 2024
  •   Unicode
Logo
Latest
★   आईपीएलः बैंगलोरलाई हराउँदै राजस्थान क्वालिफायर २ मा, फाइनल पुग्न हैदरावादसँग भिड्ने ★   वीर अस्पतालको अनुगमनमा जे देखियो… ★   सद्भाव फैलाउन बुद्ध शिक्षामा विश्वास गरौँ : प्रधानमन्त्री ★   स्वयम्भूनाथ परिसरमा सागा दावाको उत्सव-फोटो फिचर ★   गृहमन्त्री लामिछानेमाथि छानबिन गर्न राप्रपाको माग ★   पृथ्वीको तापक्रम १.५ डिग्री माथि बढ्न नदिन सबैको पहल आवश्यक ★   श्रीराम चिनी मिलको समस्या समाधान गर्न कार्यदल ★   गृहमन्त्री र महान्यायाधिवक्ताविरुद्ध रिट दर्ता गर्न सर्वोच्चको आदेश ★   सन्दीपलाई लिएर क्यान सचिव पारस अमेरिकी दूतावासमा ★   राज्यका निकायप्रति नागरिकको विश्वास बढाउन सकिएन स्वतः बढ्ने निरासाले आक्रोश जन्माउँछ: गृहमन्त्री लामिछाने

मुम्बई आईपीएल प्लेअफको दौडबाट बाहिरियो, कोलकाताकोे १२ वर्षपछि वानखेडेमा जित



काठमाडौँ । पाँच पटकको च्याम्पियन मुम्बई इन्डियन्स आईपीएल–२०२४ को प्लेअफको दौडबाट बाहिरिएको छ । टोली कोलकाता नाइट राइडर्ससँग २४ रनले पराजित भयो ।

कोलकाताले मुम्बईलाई १२ वर्षपछि वानखेडे मैदानमा हराएको हो । यस मैदानमा मुम्बईविरुद्ध नाइट राइडर्सको अन्तिम जित सन् २०१२ मा भएको थियो ।

शुक्रबार घरेलु मैदानमा मुम्बईले टस जितेर बलिङ रोजेको थियो । कोलकाता १९.५ ओभरमा १६९ रनमा अलआउट भयो । जवाफमा मुम्बई १८.५ ओभरमा १४५ रनमा अलआउट भयो ।

कोलकाताका मिचेल स्टार्कले ४ विकेट लिए भने वेंकटेश अय्यरले ५२ बलमा ७० रन बनाए । उनी खेलको प्लेयर अफ द म्याच चुनिए ।

केकेआरका तर्फबाट वेंकटेश अय्यरको अर्धशतक बाहेक मनिष पाण्डेले ३१ बलमा ४२ रन बनाए । मुम्बईका नुवान थुसारा र जसप्रित बुमराहले ३–३ विकेट लिए । हार्दिक पाण्ड्याले २ विकेट लिए । एक विकेट पियुष चावलाले लिए ।

एमआईका लागि सूर्यकुमार यादवले ३५ बलमा ५६ रनको अर्धशतक खेले । स्टार्कका अलावा वरुण चक्रवर्ती, सुनिल नारायण र आन्द्रे रसेलले २–२ विकेट लिए ।

१७० रनको लक्ष्य पछ्याएको मुम्बईको सुरुवात राम्रो हुन सकेन । टोलीले पावरप्लेमा ४६ रन बनाउदै शीर्ष ३ विकेट गुमाएको थियो । इशान किशन १३ रन, रोहित शर्मा ११ र नमन धीर ११ रन बनाएर आउट भए । सूर्य एकातर्फ उभिए र अर्को तर्फबाट विकेट झर्दै गयो । तिलक वर्मा ४, नेहल वढेरा ६ र कप्तान हार्दिक पाण्ड्या १ रन बनाएर आउट भए । सूर्यले सातौं विकेटका लागि टिम डेभिडसँग ४९ रनको साझेदारी गरे ।