एजेन्सी । आमिर खान हालै ‘द ग्रेट इन्डियन कपिल शो’ मा देखिएका थिए । कार्यक्रममा उनले आफ्नो जीवनका धेरै कथा सुनाए ।
कपिल शर्माले यस एपिसोडको पछाडिको दृश्य भिडियो सेयर गरेका छन् । दर्शकमा बसेका एक व्यक्तिले आमिरलाई शाहरुख–सलमानसँग कहिले फिल्म गर्ने भनेर सोधे ।
त्यसमा आमिरले भने, ‘मेरो दिमागमा जे थियो, त्यो तिमीले खोस्यौ । केही दिनअघि मैले शाहरुख र सलमानसँग यस विषयमा कुरा गरेको थिएँ । मैले सलमान–शाहरुखलाई भनें कि हामीले सँगै फिल्म गर्नुपर्छ । हामीले सँगै फिल्म नगरेको भए फ्यानका लागि गलत हुनेछ ।’
आमिरले भने, ‘हामी तीनै जना फिल्म गर्न तयार छौं । राम्रो कथाको पर्खाइमा ।’ उनले हालै सलमान उनको घरमा आएको बताए । यस एपिसोडमा आमिरले लगाएको जिन्स सलमानले उनको लागि ल्याएका थिए । उनले भने कि सलमान प्रायः आफ्नो लागि कपडा ल्याउँछन् ।
अर्का एक व्यक्तिले ५९ वर्षको उमेरमा जवान देखिने आमिरको प्रशंसा गर्दै उनको फिटनेसको रहस्य सोधे । यसमा आमिरले भने– ‘यसमा मेरो कुनै हात छैन । यसको श्रेय म आफैलाई दिन्नँ । किनकी म त्यस्तो खास काम गर्दिन ।’
