एजेन्सी । आईपीएल २०२४ को ४५ औं खेलमा गुजरात टाइटन्सविरुद्धको लक्ष्य पछ्याउँदै विराट कोहलीले उत्कृष्ट इनिङ खेलेका थिए ।
रोयल च्यालेन्जर्स बैंगलोरका पूर्व कप्तानले ४४ बलमा ६ चौका र ३ छक्काको मद्दतमा ७० (नटआउट) रन बनाएका थिए । अब यो अविजित पारीसँगै विराट कोहलीले बैंगलोरका पूर्व ब्याट्सम्यान एबी डिभिलियर्सको कीर्तिमान तोडेका छन् ।
गुजरात विरुद्धको खेलमा कोहलीले एबी डिभिलियर्सलाई छक्काको हिसाबले पछि पारेका हुन् । कोहलीले अब आईपीएलमा २५४ छक्का पूरा गरिसकेका छन् । डिभिलियर्सले आफ्नो आईपीएल करियरमा २५१ छक्का प्रहार गरेका थिए ।
यो सूचीमा मुम्बई इन्डियन्सका रोहित शर्मा २७५ छक्कासहित दोस्रो स्थानमा छन् । यस्तो अवस्थामा कोहलीले यो रेकर्ड तोड्न सक्छन् । सूचीमा क्रिस गेल पहिलो नम्बरमा छन् । गेलले आफ्नो आईपीएल करियरमा ३५७ छक्का प्रहार गरेका छन् ।
विराट कोहलीले आईपीएल २०२४ मा ५०० रनको आँकडा पार गरेका छन् । उनी चालू सिजनमा यो अंक छुने पहिलो ब्याट्सम्यान बनेका छन् । सबैभन्दा धेरै रन बनाएपछि कोहलीले लगातार टाउकोमा ओरेन्ज क्याप लगाएका छन् । अहिलेसम्म किंग कोहलीले १० खेलका १० इनिङ्समा ७१.४३ को औसत र १४७.४९ को स्ट्राइक रेटमा ब्याटिङ गर्दै ५०० रन बनाएका छन् ।
