एजेन्सी । आईपीएलको ४३ औँ खेल शनिबार मुम्बई इन्डियन्स र दिल्ली क्यापिटल्स बीच खेलिएको थियो । अरुण जेटली स्टेडियममा भएको खेलमा मुम्बई १० रनले पराजित भएको थियो ।
हारसँगै मुम्बईका फास्ट बलर ल्यूक वुडले आफ्नो नाममा लज्जास्पद कीर्तिमान बनाएका छन् । पाकिस्तान सुपर लिग (पीएसएल) मा उत्कृष्ट बलिङ गरेका ल्यूक वुड आईपीएलको इतिहासमा मुम्बई इन्डियन्सका सबैभन्दा महँगा बलर बनेका छन् ।
पीएसएलमा उत्कृष्ट बलिङ गरेपछि वुड आईपीएलमा आएका थिए । मुम्बईले उनलाई अष्ट्रेलियाका तेज गेंदबाज जेसन बेहरेनडर्फको स्थानमा टोलीमा समावेश गरेको थियो । तर अब उनले मुम्बईका लागि सबैभन्दा महँगो बलर बन्ने लज्जास्पद कीर्तिमान बनाएका छन् । दिल्लीका बलरहरूले वुडलाई नराम्रोसँग चुटे ।
वुडले ४ ओभरमा कुल ६८ रन खर्चिए । यो अवधिमा उनले १ विकेट मात्र लिएका थिए । वुडले दक्षिण अफ्रिकी तेज गेंदबाज क्वेना माफाकाको कीर्तिमान तोडेका छन् । माफाकाले यसै सिजन हैदरावादविरुद्धको खेलमा ६६ रन दिएका थिए । त्यो अफ्रिकी तेज गेंदबाजको डेब्यु खेल थियो । अब माफाकाको अवांछित कीर्तिमान तोड्दै वुड मुम्बईका सबैभन्दा महँगा बलर बनेका छन् ।
मुम्बईबाट आईपीएल खेलिरहेका ल्यूक वुडले इंग्ल्याण्डका लागि सेतो बलको क्रिकेट खेल्छन् । यद्यपि उनी इङ्गल्याण्डको नियमित भाग भने होइनन् । उनले अहिलेसम्म २ ओडीआई र ५ टी–२० अन्तर्राष्ट्रिय खेल खेलिसकेका छन् । उनले अहिलेसम्म एकदिवसीय खेलमा सफलता हात पार्न सकेका छैनन् । यसबाहेक उनले टी–२० अन्तर्राष्ट्रियको ५ इनिङ्समा बलिङ गर्दै २१.७५ को औसतमा ८ विकेट लिएका थिए ।
