काठमाडौं । नेपाल वायुसेवा निगमको ९ एन–एकेएक्स जहाज ९ महिनापछि मर्मत सकेर नेपाल ल्याइँदै छ ।
एयरबस ३२० (न्यारोबडी) २०२३ सेप्टेम्बर १७ मा मर्मतका लागि इजरायल एरोस्पेस इन्डस्ष्ट्रिजमा लगिएको जहाज आईबार मध्यान्न नेपाल ल्याउन लागिएको हो ।
निगमले मर्मतपछि विमान ल्याउन शुक्रबार नै त्यसतर्फ टोली पठाएको छ । युद्धका कारण आक्रान्त बनेको ईजरायलमा क्याप्टेनद्वय अबरिन्द राज पहाडी , नृपेद्र भट्टराई , आई एफ एस प्रज्ञा भट्टराई , सिननियर फाईट डिसप्याचर चक्र नकर्मी सहितको टोलीले तेल अभिभ हुँदै दुबईबाट काठमाडौँ ल्याउन लागेको छ ।
जहाज ग्राउण्डेड भएको झण्डै तीन महिनापछि निगमले इन्जिन मर्मतका लागि इजरायल पठाएको थियो । निगमका अनुसार निगमको नाईन-एकेएक्स जहाजको इन्जिन मर्मतका लागि एमआरओ कम्पनी इजरायल एरोस्पेस इन्डस्ष्ट्रिजसँग लिजसहितको इन्जिन मर्मत सम्झौता भएको थियो ।
एमआरओ कम्पनीले १८ सेप्टेम्बर २०२३ लाई स्लट दिएको र त्यसै आधारम विमान पठाईएको निगमले जनाएको छ । पूर्व कार्यतालिका अनुसार विमान मर्मतपछि २२ सेप्टेम्बर २०२३ मा काठमाडौं फर्कनु पर्ने थियो ।
