काठमाडौं । कोरोना संक्रमणको तेस्रो लहर सुरु भएपछि स्थगित भएको बलिउड फिल्महरुका फेरि नयाँ मिति घोषणा हुन थालेको छ ।
निर्माता तथा निर्देशकहरुले फेरि नयाँ प्रदर्शन मिति तोक्न थालेका हुन् ।
यसैबीच निर्माता तथा निर्देशक सञ्जयलीला भन्सालीले चलचित्र ‘गंगुबाई काठियावाडी’को नयाँ मिति घोषणा गरेका छन् । जसअनुसार यो चलचित्र फ्रेबअुरी २५ मा रिलिज हुने भएको छ ।
फिल्ममा अभिनेत्री आलिया भट्ट शीर्ष भूमिकामा छिन् । चलचित्रमा अभिनेता अजय देवगणको पनि भूमिका रहेको छ । यस्तै, चलचित्रको प्रिमियर ‘७२ औं बर्लिन फिल्म फेस्टिभल’मा पनि गरिने निर्माण पक्षले जानकारी दिएको छ ।
मुम्बईमा यौनधन्दा चलाएरै चर्चामा आएकी गंगुबाईको कथा फिल्ममा प्रस्तुत गरिएको छ ।
