काठमाडौं । उपप्रधान तथा गृहमन्त्री रवि लामिछानेले बलम्बुस्थित सशस्त्र प्रहरी बलको केन्द्रीय गोदाममा भएको आगलागीको स्थलगत निरीक्षण गर्नुभएको छ ।
गृहमन्त्री लामिछानेले आसपासका बस्तीमा रहेका सीसी क्यामराबाट जाँचबुझ गर्न निर्देशन दिनु भएको उहाँले सचिवालयले जनाएको छ । बलम्बुस्थित सशस्त्र प्रहरी बलको केन्द्रीय गोदाममा विद्युत सर्ट भएर आगलागी भएको र नियन्त्रणमा ८ वटा दमकल परिचालन गरिएको थियो ।
उहाँले छानबिनका लागि समिति बनाउन सुझाव दिएकोमा सशस्त्र प्रहरी बलका महानिरीक्षक राजु अर्यालले सशस्त्र प्रहरी अतिरिक्त महानिरीक्षक बंशिराज दाहालको अध्यक्षतामा ९ सदस्यिय छानबिन समिति गठन भएको जानकारी गराउनु भएको थियो ।
एपीएफ अस्पतालसँगै रहेको उक्त स्टोरमा सशस्त्रका लत्ताकपडा लगायत आवश्यक बन्दोबस्तीका सामान राखिएका हुन्छन् ।
