एजेन्सी । साउथ सुपरस्टार अल्लु अर्जुनले आज आफ्नो जन्मदिन मनाउँदै छन् । यही अवसरमा अभिनेताको बहुप्रतिक्षित चलचित्र ‘पुष्पा २ः द रुल’ का निर्माताले फ्यानहरुलाई ठूलो उपहार दिँदै फिल्मको टिजर सार्वजनिक गरेका छन् ।
टिजर निकै धमाकेदार छ र यसमा अल्लु फेरि पुष्पराजको भूमिका निर्वाह गर्दै दर्शकको मन जितेको देख्न सकिन्छ ।
‘पुष्पा २ः द रुल’ को टिजरमा अल्लु अर्जुनको लुक निकै खतरनाक छ । उनको यो अवतार आजसम्म देखाइएको थिएन । टिजरमा अल्लुले सारी लगाएको र फुल मेकअप गरेको देखिन्छ । अभिनेताको लुक टाउकोदेखि पाउसम्म निकै प्रभावशाली छ । टिजरमा अभिनेताले एक्सन गरेको देख्न सकिन्छ ।
सुकुमारद्वारा निर्देशित ‘पुष्पा २ः द रुल’ मा अल्लुका अलावा रश्मिका मन्दाना, फहद फासिल, जगदीश प्रताप बन्दरी र सुनीलको मुख्य भूमिका रहेको छ । यी सबै स्टार फिल्मको पहिलो भागमा पनि दमदार भूमिकामा देखिएका थिए ।
‘पुष्पा २ः द रुल’ को रिलिजको प्रतिक्षामा सबै जना छन् । यो फिल्म १५ अगस्त २०२४ मा रिलिज हुँदैछ ।
