मेलबर्न । पूर्व विश्व नम्बर एक राफेल नाडाल पुरुष टेनिसमा अष्ट्रेलियन ओपनको फाइनलमा प्रवेश गरेका छन् ।
उनले सेमिफाइनलमा माटियो बेरेटिनीलाई ६–३, ६–२, ३–६, ६–३ को सेटमा पराजित गरेका हुन् ।
नाडाल पुरुष टेनिसमा कीर्तिमानी २१ औँ एकल ग्रान्डस्लाम उपाधि जित्ने क्रममा छन् ।
पहिलो दुई सेटमा नाडालले वर्चस्व कायम गर्दै इटालियन प्रतिद्वन्द्वीलाई कोर्ट वरिपरि घुमाए।
उनले दोस्रो सेटमा ४–० को अग्रता लिए र सातौँ वरियता प्राप्त बेरेटिनीले ११ प्रयासमा एक पटक मात्र आफ्नो दोस्रो सर्भरमा अङ्क बनाउन सके।
भारी वर्षाका कारण रड लेभर एरिनाको छाना बन्द भएकाले भित्र धेरै आद्रता थियो । यस्तो अवस्थामा बल भारी भएको थियो ।
पहिलो दुई सेट सबै छैटौँ वरीयताप्राप्त स्पेनी नाडालको पक्षमा गयो । तेस्रो सेटमा बेरेटिनी फर्किए र आठौँ खेलमा तीन ब्रेक पोइन्ट बनाएर दोस्रो सेटमा ५–३ को अग्रता लिए।
उनले अर्को खेलमा लगातार चार अङ्क जोड्दै खेललाई चौथो सेटमा तान्दै खेललाई लम्ब्याए। चौथो सेटको आठौँ खेलमा नाडालले फेरि सर्भ तोड्दै खेल जितेका थिए ।
नाडालले रोजर फेडेरर र नोभाक जोकोभिचजस्तै २० ग्रान्ड स्लाम एकल उपाधि जितेका छन्।
अब नाडालले फाइनलमा ड्यानिल मेदभेदेव र स्टेफानोस सित्सिपासबीचको दोस्रो सेमिफाइनलको विजेतासँग खेल्नेछन्। एजेन्सी
