एजेन्सी । दिव्यन्दु शर्मा चर्चित वेब सिरिज ‘मिर्जापुर ३’ मा सबैको मनपर्ने मुन्ना भैयाको भूमिकामा देखिने छैनन् । दिव्यन्दु आफैले हालैको एक अन्तर्वार्तामा यसको खुलासा गरेका छन् ।
उनले तेस्रो सिजनमा नदेखिने बताए । अहिले यो पात्रमा निसास्सिएको महसुस भएको उनी बताउँछन् । ह्युमन्स अफ बम्बेलाई दिएको एक अन्तर्वार्तामा दिव्यन्दुले भने– ‘म घोषणा गर्छु कि म मिर्जापुर सिजन ३ को हिस्सा होइन ।’
दिव्यन्दुको यो भनाइले मुन्ना भैयाको चरित्रलाई सिजन २ को फाइनलमा मारिएको प्रमाणित गर्छ । यद्यपि, फ्यानहरू आशावादी थिए कि उनले निश्चित रूपमा सिजन ३ मा बलियो पुनरागमन गर्नेछन् । तर दिव्यन्दु आफैंले यी कुराको अन्त्य गरेका छन् ।
मुन्ना भैयाको क्यारेक्टरको वर्णन गर्दै दिव्यन्दुले भने, ‘मेरो लागि मुन्नाको क्यारेक्टर निस्सन्देह डिस्टर्बिंग क्यारेक्टर थियो । यद्यपि मलाई सुरुदेखि थाहा थियो कि यो एक शक्तिशाली भूमिका थियो । मैले बब्लुको भूमिकाका लागि पहिलोपटक अडिसन दिएँ । तर, केही समयपछि मुन्नाको भूमिकाका लागि म बढी उपयुक्त छु भन्ने महसुस भयो ।’
उनले थप भने, ‘जब म यो क्यारेक्टरमा थिएँ, यसले मेरो व्यक्तित्वमा धेरै प्रभाव पारेको थियो । हामीले कुनै पनि चरित्रको गहिराइमा जानु हुँदैन किनभने यो धेरै सजिलो छैन । कहिलेकाहीँ यो भूमिका मेरो लागि अन्धकार थियो । यसमा मलाई निसास्साउन थाल्यो ।’
मिर्जापुरको पहिलो सिजन १६ नोभेम्बर २०१८ मा अमेजन प्राइम भिडियोमा स्ट्रिम गरिएको थियो । जसमा पंकज त्रिपाठी, अली फजल, कुलभूषण खरबन्द, दिव्यन्दु शर्मा, विक्रान्त मेसी, रसिका दुग्गल, श्वेता त्रिपाठी र विजय वर्मा जस्ता कलाकारहरु देखिएका थिए ।
जहाँ, दोस्रो सिजन २३ अक्टोबर २०२२ मा स्ट्रिम गरिएको थियो। अब यसको तेस्रो सिजन यसै वर्ष रिलिज हुँदैछ । हाल निर्माताले यसको रिलिज मिति भने घोषणा गरेका छैनन् ।
