बुटवल । लुम्बिनी प्रदेशमा नेकपा माओवादी केन्द्रको नेतृत्वमा नयाँ सरकार गठन हुने भएको छ । माओवादी केन्द्रका जोखबहादुर महरा मुख्यमन्त्री बन्दैछन् ।
मुख्यमन्त्री डिल्लीबहादुर चौधरीले हिजो पदबाट राजीनामा दिएपछि नयाँ सरकार गठन प्रक्रिया सुरु भएको छ । मुख्यमन्त्री चौधरीले इमेलबाट प्रदेश प्रमुख अमिक शेरचनलाई राजीनामा दिएका थिए । योसँगै नयाँ सरकार गठन प्रक्रिया अघि बढेको हो ।
लुम्बिनीमा नेकपा माओवादी केन्द्रका संसदीय दलका नेता जोखबहादुर महराले मुख्यमन्त्तीमा दाबी पेश गर्दैछन् । उनलाई एमाले, माओवादी केन्दू, जसपा, एकीकृत समाजवादी र एक स्वतन्त्र प्रदेशसभा सदस्यसहित ४४ जनाको हस्ताक्षर संकलन भएको छ । नागरिक उन्मुक्ति पार्टीका चार जनाको हस्ताक्षर थपिने सम्भावना छ ।
प्रदेश प्रमुखकोे सचिवालयले आज मुख्यमन्त्री नियुक्त गर्ने गरी प्रक्रिया अघि बढाएको जनाएको छ । मुख्यमन्त्रीमा दाबी आइसकेकाले सम्भवत: आजै महरालाई नियुक्त हुने छन् ।
माओवादी नेता महराको पक्षमा एमालेका २९, माओवादीका १०, जसपाका ३, नेकपा एकीकृत समाजवादीका १ र एक जना स्वतनत्र गरी ४४ सदस्यको समर्थन जुटेको छ । त्यसमा साना दलबाट संखया थपिँदै जाने माओवादीले अपेक्षा गरेको छ ।
