• १२ श्रावण २०८१, शनिबार
  •      Sat Jul 27 2024
  •   Unicode
Logo
Latest
★   बागमती र सुदूरपश्चिम प्रदेशमा आज भारी वर्षाको सम्भावना ★   सम्पदा संरक्षण, महिला सशक्तीकरणको क्षेत्रमा स्व.अम्बिका श्रेष्ठको योगदान अतुलनिय: पूर्वराष्ट्रपति भण्डारी ★   १८ वर्षदेखि विचाराधीन संक्रमणकालीन न्यायमा कसरी जुट्यो सहमति ? ★   भेडेटारमा स्काइ टावर ★   मौद्रिक नीतिले समर्थन र स्वागत पाएको छः प्रधानमन्त्री ★   संघीय संसदले सहकारी संस्थाहरुको नियमन गर्नुपर्छः पूर्वअर्थमन्त्रीहरु ★   विमान दुर्घटनामा ज्यान गुमाउने पाँच जनाको शव आफन्तले बुझे ★   गृहमन्त्री लेखकसँग पूर्वसांसद मञ्चका प्रतिनिधिको भेट ★   सदन र सडकलाई प्रभावकारी ढंगले जोड्छौँ: माओवादी केन्द्र ★   दुई वर्षभित्र सबै नागरिकको घरमा विद्युत् सेवा: ऊर्जामन्त्री

दिल्लीमाथि कोलकाताको दमदार जित



काठमाडौँ । इन्डियन प्रिमियर लिग–२०२४ (आईपीएल)मा कोलकाता नाइट राइडर्स (केकेआर)ले लगातार तेस्रो जित हात पारेको छ ।

केकेआरले चालु सिजनको १६ औं खेलमा दिल्ली क्यापिटल्स (डीसी) लाई १०६ रनले पराजित गरेको हो । यो जितसँगै कोलकाता अंक तालिकाको शीर्ष स्थानमा उक्लिएको छ । दिल्ली भने नवौं स्थानमा खस्किएको छ ।

विशाखापट्टनमको डा वाईएस राजशेखर रेड्डी क्रिकेट स्टेडियममा टस जितेर ब्याटिङ गरेको कोलकाताले २० ओभरमा ७ विकेट गुमाएर २७२ रन बनाएको थियो । टोलीले आईपीएलको दोस्रो उच्च स्कोर बनाएको छ ।

यो लिगमा कोलकाताको सबैभन्दा ठूलो स्कोर हो । जवाफी इनिङ्समा दिल्लीको टोली १७.२ ओभरमा १६६ रनमा अलआउट भयो । खेलको प्लेयर अफ द म्याच सुनिल नारायण भए । उनले ३९ बलमा ८५ रनको पारी खेले । उनले ७ चौका र ७ छक्का प्रहार गरे ।

अङ्क्रिश रघुवंशीले २७ बलमा ५४ रन बनाए । आन्द्रे रसेलले १९ बलमा ४१ रनको इनिङ खेले । रिंकु सिंहले ८ बलमा २६ रन बनाए । दिल्लीका एनरिके नोर्ट्याले तीन विकेट लिए । इशान्त शर्माले २ विकेट लिए ।

२७३ रनको लक्ष्य पछ्याउने क्रममा दिल्लीको सुरुवात खराब रह्यो । टोलीका लागि शीर्ष क्रममा कुनै ठूलो साझेदारी थिएन । बीचमा ऋषभ पन्त र ट्रिस्टन स्टब्सले ९३ रन जोडे पनि जितका लागि पर्याप्त भएन ।

कोलकाताको टोलीले लगातार तेस्रो जित हात पारेको छ । अर्कोतर्फ दिल्लीले ४ मध्ये ३ खेलमा हार बेहोरेको छ । यो खेलपछि कोलकाता ६ अंकसहित अंक तालिकाको शीर्ष स्थानमा उक्लिएको छ भने दिल्ली २ अंकसहित नवौं स्थानमा छ ।

आजको खेलः गुजराट टाइटन्स भर्सेस पञ्जाव किंग्स – बेलुका ७ः४५ बजे