एजेन्सी । आईपीएल २०२४ को १५ औं खेलमा रोयल च्यालेन्जर्स बैंगरले हार बेहोर्यो । लखनउ सुपर जायन्ट्ससँग आरसीबी २८ रनले पराजित भएको हो । आरसीबीका लागि विराट कोहलीले १६ बलमा २२ रन बनाए ।
ग्लेल म्याक्सवेल शून्य रनमा आउट हुँदा क्यामरुन ग्रिन ९, अनुज रावत ११, दिनेश कार्तिक ४ रनमा पेभिलियन फर्किए । यी ब्याट्सम्यानमध्ये कुनै एकजनाले मात्रै पनि खेलको नतिजा उल्टाउन सक्षम छन् । तर, यी खेलाडीहरुको निराशाजनक प्रदर्शनका कारण आरसीबीले चार खेलमा तेस्रो हारको स्वाद चाख्नुपर्यो ।
यो खेलअघि कोहलीले उत्कृष्ट प्रदर्शन गरेका थिए । उनले दुई अर्धशतक बनाएका थिए । प्रदर्शनको मामिलामा कोहली निकै उच्च लयमा छन् । तर उनको टोली भने भुइँमा झरेको छ । आरसीबी अंक तालिकाको ९ औं स्थानमा छ । ओरेन्ज क्यापको दौडमा कोहली शीर्ष स्थानमा छन् ।
कोहलीले ४ खेलमा २०३ रन बनाएका छन् । यस अवधिमा उनले २ अर्धशतक बनाएका छन् । कोहलीको उत्कृष्ट स्कोर ८३ रन नटआउट रहेको छ । यो सिजनमा सर्वाधिक रन बनाउनेमा उनी शीर्ष स्थानमा छन् ।
राजस्थान रोयल्सका खेलाडी रियान पराग दोस्रो स्थानमा छन् । परागले ३ खेलमा १८१ रन बनाएका छन् । यस अवधिमा उनले २ अर्धशतक बनाएका छन् । यस हिसाबले कोहली शीर्ष स्थानमा छन् ।
आरसीबी अंक तालिकाको ९ औं स्थानमा छ । यो सिजन उसको प्रदर्शन निराशाजनक रहेको छ । आरसीबीले ४ खेल खेलेको छ भने यस अवधिमा ३ खेलमा हार बेहोरेको छ । आरसीबीले एउटा मात्र खेल जितेको छ ।
जसका कारण सामाजिक सञ्जालमा टोलीको चर्को आलोचना भएको छ । आरसीबीलाई सामाजिक सञ्जाल प्रयोगकर्ताहरूले धेरै ट्रोल गरेका छन् ।
पर्पल क्यापको कुरा गर्ने हो भने मुस्ताफिजुर रहमान शीर्ष स्थानमा छन् । उनले ३ खेलमा ७ विकेट लिएका छन् । लखनऊ सुपर जायन्ट्सका मयंक यादव सर्वाधिक विकेट लिने दोस्रो स्थानमा छन् । मयङ्कले २ खेलमा ६ विकेट लिएका छन् । उनले आरसीबीविरुद्ध निकै महत्वपूर्ण भूमिका खेलेका थिए । लखनउका लागि मयङ्कले म्याच विनिङ प्रदर्शन गरे ।
